نوارة بقلم الشاعر المتألق بالحبيب مكاوي

زجل مغربي
نوارة...... بقلم بالحبيب مكاوي

نوارة مفتحة والنور عليها
محظوظ يا لي غادي تديها

كي الشمعة تضوي بالليل
وفالنهار تنسم عليها

وردة بيضة والعنق طويل
دارت الحنة في يديها

وبالخلاخل هزت الصاق
نجمة تلمع في رجليها

يا لي تبحث على الزين
كون فاهم روح فديها

دير راسك قيمة والشان
وخيمتك بها عليها

روحي بيدك والقلب انضام
وتشوقت ليك، تحسيها

حيد الحشمة والتخمام
وقطع قيودك ورميها

ما قلت عيب الى كان هواك
عين صافية،نشرب اميها

نشد حبي شدات حنان
وندير يدي فيديها

يا لي كال الحب حرام
كي لي عندو جوهر يرميها

بقلمي