مش مستنّي أنا إحسان بقلم الشاعر المبدع صلاح الجنايني

مش مستني انا إحسان
من حقي بقلبه مكان
انا حساس انا انسان
مش محتاج لنار بركان
انا محتاج لقلب حبيب
لقلبي يكون تملي قريب
مش غاوي انا تعذيب
لقلبي يكون دوا وطبيب
انا عايزك تكون الهام
تكونلي الدنيا و الايام
تجيني بحلمي زي منام
تسمعني انا احلا كلام
انا عايز اكون دمك
اكون فرحك اشيل همك
ساكن جوايا اكون فهمك
على قلبي انا راسمك
انا عايزك تكونلي الروح
اكون وياك منين ما تروح
انا قلبي إليك مفتوح
بنادي عليك صوتي منبوح
عليا اوعي يوم تقسا
عشقي اوعي يوم تنسا
تكونلي الشط والمرسا
حبك عمري انا ما انسا
مش غاوي انا تعذيب
لعشقي تكون دوا وطبيب
الشاعر صلاح الجنايني