ثوب العفة بقلم الشاعر المبدع سامح توكل ابو السبح

توب العفه
======
إغزلى توب العفه ياخاله
كل الناس صبحت محتاله

إلا قليل م الله بيخافوا
دول أخلاقهم أحلى رساله

جدى وجدك كانوا حبايب
فرسان للطيبه وخياله

ليه الحب زماننا اتغير
زى السوس ينخر فى نخاله

حتى النيه بطيبه غبيه
صفرا الضحكه فى أيها حاله

حتى الشرف الغالى اترقع
عند طبيب تاجر للباله

فى التيك توك أخلاقنا رخيصه
بمياصه ونخاسه زباله

هز الوسط صبح فينا غالب
زى القالب صرنا عواله

بحر نفاقنا للى يصاحب
ويطبل ويعوم بكفالة

رقعى توب العفه ياخاله
واصمدى وش الريح ببساله

ربنا قادر يتولانا
نتغير للخير فى عجاله
========
بقلمى سامح توكل ابوالسبح