🌷بنت بلادي🌷
زجل مغربي للشاعر بالحبيب مكاوي
زجل مغربي للشاعر بالحبيب مكاوي
بنت بلادي لبست قفطان
من الحرير الحر مغطيها
من الحرير الحر مغطيها
من العنق مزركش برشام
واهذابو منظر في رجليها
واهذابو منظر في رجليها
سفيفة بسقلي تلمع من قدّام
وعقادي كي حب الرمان تواتيها
وعقادي كي حب الرمان تواتيها
والشربيل مع حناني لقْدام
رشمة تخطف في رجليها
رشمة تخطف في رجليها
والخلخال على الساق متين
يترنم نغمة بذهب تزهيها
يترنم نغمة بذهب تزهيها
واخصرها مقبوس و شدو لحزام
والمرود بكحل كاتب في عينيها
والمرود بكحل كاتب في عينيها
كحلت لعيون والارماش والاهذاب
والحاجب حارس تحت اجبين
بتقواسو حاميها
والحاجب حارس تحت اجبين
بتقواسو حاميها
والثغر ملون لونو غامق بسواك
والفم ضوا من جوهر سنيها
والفم ضوا من جوهر سنيها
واعكر فاسي اصلو بنعمان
لون محمر لخدود وكاسيها
لون محمر لخدود وكاسيها
بنت بلادي شمعة تشعل بالزين
مربوعة واللبس طويل مواتيها
مربوعة واللبس طويل مواتيها
بنت الاصل والمفصل من ازمان
الوالي مولاي ادريس مبارك فيها
الوالي مولاي ادريس مبارك فيها
تتبسم بسمة وضاحة والقلب احنان
بالحشمة ذابت والعلم مربيها
بالحشمة ذابت والعلم مربيها
يا من تبحث في ارضك عن لحمام
خود حمامة بيضة من فاس وربيها
خود حمامة بيضة من فاس وربيها
دير معها عصمة خطبة واكلام
ومن والديها سير ازعم و اديها
ومن والديها سير ازعم و اديها
يا سعد لي قبلت به تمام
زوجة من صيل شريف تهلا فيها
زوجة من صيل شريف تهلا فيها
عيش معاعا حب وصحة وسلام
والخيمة منها بولادك علِّيها
والخيمة منها بولادك علِّيها
على بنت بلادي لحبيبة جبت كلام
ربي يشهد قلبي كيبغيها
ربي يشهد قلبي كيبغيها
نعطيها عينيا من شدة لغرام
واندير يديا عند العادل في يديها
بقلمي
واندير يديا عند العادل في يديها
بقلمي
ليست هناك تعليقات:
إرسال تعليق