الــعــُمْــر لـــحــظــة حـــــــــب
قرّبتْ منْ طول الفراق أنساك
وانت َبتطوّلْ في بُعْدَك
زي ما يكون البعاد قسّاك
قرّب شويّة ! فرّحْ عينيّا !
وقيد شموع حبّي بقربك
يا اللي كان يوم عيدي يوم رؤياك
مش من عوايدكْ تنسى حبايبك
وتدوسْ على القلب اللي حَبّك
واللي ضحّى بدنيته عشان هواك
خلّتني احس إن حُبّك
كان مُجَرّد حلم عشته
وان عمره ما كان له أي وجود معاك
أسْأل عليك مين ؟ الشتا ولا الخريف
ولا اسْأل الصيف اللي ناره زي هجْرَك
شمسه ليل ونهار ما بتفارق سَماك
دِبلت زهور الحب منْ طول الفراق
ماتت طيور القلب منْ طول الاشتياق
حَتى النسيم .. أصْبَح جحيم .. .. أصبح هلاك
فين الربيع ؟ فين منْ زمان ؟
يكون نِسينا هوّ كَمَان !
ولاّ يكون فصْل الربيع سافِر وراك
جَدّدْ هَوَانا قَبْل السِنين ما تضيّعه
يمكن لقانا يحي اللي فات ويرَجّعه
العمر كله ها يبتدئ لَحْظة لقاك
ده عمْرنا مَهْمَا يطول
يا دوب .. يا دوب
والعُمر إيه ؟ غير لحظة بتعيشها القلوب
قرّب تعالى ! عمرنا من بُعْدنا قرّب يدُوب
ازّاي قِدِرْ قَلْبك على بُعْدِي
وازّاي قِدِرْت اِنتِ تخون عَهْدِي
ولاّ تكون حبيت حَبيب بَعْدِي ؟
فاكِرْ دموعَك .. فاكِر المَنْدِيل ؟ !
لحْظة ودَاعك , والقمر والنيل ؟ !
وكَلام كما الأشعار , واللهفة , والتسْبيل
طول الليالي أسأل الراجعين
وان طال سُؤالي أأمّنْ الرايحين
اللي يشوف قَمَري يدلُّه
يمْكِن يكون تايه مع َ التايهين !
امتى تعود .. .. والبُعْد ينسانا ؟!
نمشِي سَوَى ع النيل وقلوبنا سابقانا
نِسمع غنى ومواويل .. ونغنّي لهَوَانا
تطرح على الخَدّين جناين ورد
نجني سَوَى فدادين .. فيها الفرح والسَعْد
ونعيش يومين اتنين من غير فراق ولا بُعد
أرجع وأقول مهما تفرّقنا السنين
بكرة يجَمّعنا الحَنين
لحظة ما تتلاقى العينين
بس انتَ .. ارجع قبل ما يموت الحنين
مِسْتنّي إيه ؟! مستني مين ؟!
ولا يكون البعد مكتوب ع الجبين
تأليف / متولي محمد متولي بصل
دمياط
وانت َبتطوّلْ في بُعْدَك
زي ما يكون البعاد قسّاك
قرّب شويّة ! فرّحْ عينيّا !
وقيد شموع حبّي بقربك
يا اللي كان يوم عيدي يوم رؤياك
مش من عوايدكْ تنسى حبايبك
وتدوسْ على القلب اللي حَبّك
واللي ضحّى بدنيته عشان هواك
خلّتني احس إن حُبّك
كان مُجَرّد حلم عشته
وان عمره ما كان له أي وجود معاك
أسْأل عليك مين ؟ الشتا ولا الخريف
ولا اسْأل الصيف اللي ناره زي هجْرَك
شمسه ليل ونهار ما بتفارق سَماك
دِبلت زهور الحب منْ طول الفراق
ماتت طيور القلب منْ طول الاشتياق
حَتى النسيم .. أصْبَح جحيم .. .. أصبح هلاك
فين الربيع ؟ فين منْ زمان ؟
يكون نِسينا هوّ كَمَان !
ولاّ يكون فصْل الربيع سافِر وراك
جَدّدْ هَوَانا قَبْل السِنين ما تضيّعه
يمكن لقانا يحي اللي فات ويرَجّعه
العمر كله ها يبتدئ لَحْظة لقاك
ده عمْرنا مَهْمَا يطول
يا دوب .. يا دوب
والعُمر إيه ؟ غير لحظة بتعيشها القلوب
قرّب تعالى ! عمرنا من بُعْدنا قرّب يدُوب
ازّاي قِدِرْ قَلْبك على بُعْدِي
وازّاي قِدِرْت اِنتِ تخون عَهْدِي
ولاّ تكون حبيت حَبيب بَعْدِي ؟
فاكِرْ دموعَك .. فاكِر المَنْدِيل ؟ !
لحْظة ودَاعك , والقمر والنيل ؟ !
وكَلام كما الأشعار , واللهفة , والتسْبيل
طول الليالي أسأل الراجعين
وان طال سُؤالي أأمّنْ الرايحين
اللي يشوف قَمَري يدلُّه
يمْكِن يكون تايه مع َ التايهين !
امتى تعود .. .. والبُعْد ينسانا ؟!
نمشِي سَوَى ع النيل وقلوبنا سابقانا
نِسمع غنى ومواويل .. ونغنّي لهَوَانا
تطرح على الخَدّين جناين ورد
نجني سَوَى فدادين .. فيها الفرح والسَعْد
ونعيش يومين اتنين من غير فراق ولا بُعد
أرجع وأقول مهما تفرّقنا السنين
بكرة يجَمّعنا الحَنين
لحظة ما تتلاقى العينين
بس انتَ .. ارجع قبل ما يموت الحنين
مِسْتنّي إيه ؟! مستني مين ؟!
ولا يكون البعد مكتوب ع الجبين
تأليف / متولي محمد متولي بصل
دمياط
ليست هناك تعليقات:
إرسال تعليق