ركوب الخيل بقلم الشاعر المبدع العابد عبد الرحيم

-- ركوب ااااااااااااااالخيل--
/---------------------------------

علاش اركوب الخيل بلا نخوة؟
وعلاش الخيل...تصهل اصهيل؟

قال لحكيم:
*غير ضربوا واللاً هربوا.!

كل لكلام ليه جوابو
كل لمقام ليه مقامو

نعطيوا لكلام حقو وقت الهضرة
قد او قامة كلها وكتابو في قلبو

كان....عراف الوقت بالنجمة
كان عودو بركي غير وحدو

قال لحكيم:
*ارحم الله اللي ماتوا برصاصة.!

كان ضارب الطنز زايد الهيهه
كان شمعة قنديل الليل فيامو

قال لحكيم:
*ارحم الله اللي ماتوا البارح.!

خليواالزينة مولات الوشام غير عنوة خليوا الزينة مولات الوشام غير نخوة

سولوا برق الليل عارف ا الليالي الزينة فين دازت!

ملي سار شوفي بقات ليام أيام عورة
كلها شاد النوبة ايسول على مكتابو

كلها ايقول يا فانوس اش اش درتي؟

كل واحد ماد يدو يجمع حساب كفو.!
كل واحد يحفر حفرة وايقول طيحوا.!

كل واحد يحكم احكام راسو
كل واحد راجع احسابو نادم

قال لحكيم:
*لاحكمة تنفع مع قوم جاهل
* خليوا زينة لبنات مع الراجل
*دابا تزيان ليام انعيشوا الامل
*واسلامنا يهديه احمام زاجل
*ايامنا تزيان لاحد فينا غافل

*تتحقق احلام لهبيل يرجع عاقل
*لا فرق بين تاجر او لفقير عاطل

العابد عبد الرحيم:23/10/2018
ملهمتي الفقيه بن صالح