ابتسم او حاول تبتسم بقلم الشاعر المبدع عماد بخيت

ابتسم .. او حاول تبتسم .....

كابوس ... عم خميس

عم خميس راجل طيب .. وعال العال
مش غنى ولاحاجه لكن مستور الحال
يحب الجعده الحلوه بشوش الوش ومش خذال
صاحب صاحبه ..جد بفعله

وانا جاعد فى امان الله
لجيت عم خميس بيخبط على ضهر الباب ..وينادى يااستاذ
طبعا أنا عارف صوته ..
جمت جوام وفتحت الباب
لقيت عمى خميس وشه اسووود بهب هباب
مهموم..زهجان .... شايل حمل تجول جبال
طبعا..دى مش عادت عمى خميس
جلت..مالك ياعم ..خميس

جال..مش عارف زهقان من أم لعيال
جلت..عايز فلوس..جبت ضحيه للعيال
جال.. جايه بإذن الله
طب بس مالك ياعم خميس
فين الضحكه الحلوه
راحت فين فرحت عمى خميس
جال..والله ما انا عارف اجولك ايه واحكيلك..من ام لعيال
ضحكت وجلت ياعم خميس الحريم شايله معانا ..جبال
فوووووت حبه .. ياراجل وخلى المركب ترسى
جال..ترسى ازاى ..على راسي يعنى ....

جلت احكيلى .. ايه بس شاغلك ياعم خميس..
كنت بتحل مشاكل ياما واحنا..كنا بنحكى

جال..هو ... كابوس
كنت زعلان من أم لعيال
عايزه فلوس..وعايزه لبس العيد للعيال
عايزه اعياد .. لبناتها

عايزه صابع روووووج يااستاذ وجزازة..ريحه ع التسريحه
جلتلها ليه ياوليه جزازة ريحه وصابع روووووووج
بترد علينا.. وتجول ليه .. هو انا مش زى النسوان.
جزازة الريحه فاضيه من سنه ع التسريحه
وصابع الرووووج .. ياخى خلصان ..

وجعدت أزعج .. وهى تزعج على هذا الحال
جلت..انام شويه جانى كابوس

لقيت جنبى شوية ... نسوان
وانا جاعد لابس ... طربوش
دى بترقص..ودى ماسكه بخور
ودى بتغنى ..وانا مبسووووط ولا شهبندر التجار ..شهبندر مين ... جول دل كانوا حريم السلطان
لجيت واحده بتجول فيهم اجوزنى
وسيبك من ام جزازة ريحه وصابع رووووج ... ع التسريحه
والتانيه تجولى..اجوزنى.. وغيرها .. وغيرها..

اصحيت م النوم مفزوع
لجيت ام لعيال نايمه جارى كده فى الحال
وعاقده راسه بضفايرها زى كوم لحبال
ولابسه التوب لسوووود .. تجول رايحه ياخوى تعزى فى واحد ميت
.
.
ضحكت وجلت صابع روج وجزازة ريحه .. ياعم خميس
انا هكتبها..
ضحك وجال.. لا لا.. تكتب إيه
ولا ....اجولك .. ماشى اكتبها
بس ماتجولش عمى خميس
جول ..صابع روج وجزازة ريحه

مع تحيات
الشاعر
عماد بخيت