رمضان شهر النصر بقلم الشاعر المبدع هشام سلطان

رمضان شهر النصر
-----------------------
رمضان هل بنوره علينا ..
يهدينا بفضله .. و إحسانه
شهر الرحمة .. شهر القرآن ..
شهر البركة كمان ويانا
نفسي الدنيا تفضل رمضان ..
نفسي البركة تعم علينا
نفسي القلب العاصي الحيران ..
يرتاح .. و الخير يفضل لينا
نفضل إخوان خير و سماحة ..
نعلنها سماحة إسلامنا
دا نبينا محمد صلوا عليه ..
وضحها .. و نور أيامنا
دا الخير فينا .. طول م الإيمان ..
بينور بالحب قلوبنا
عمره ما عادى ابدا أديان ..
دا الدين لله .. صمنا و تبنا
نفسي صيامنا .. و أيام رمضان ..
ترجع بالنصر على بلادي
دا ف يوم عشرة .. عبرنا الأحزان
و ف يوم زيه .. تعود أمجادي
مصر الحرة .. ح تفضل على طول ..
رافعه جبينها .. و صاينه حدودها
طول م بترعى حدود المولى ..
ينعم بالنصر على جنودها
بكره فلسطين ترجع لينا
و عراقنا يزول عنه الظالمين
ترجع أمجاد حطين لينا ..
و القادسية .. بصلاح الدين
نشرت بجريدة النبأ الوطني المصرية
بتاريخ ٣٠ أكتوبر ٢٠٠٤
كلمات : هشام سلطان