الكنز بقلم الشاعر المبدع العابد عبد الرحيم

/ ااااااااااااااالكنز ---
-----------------------

( الكنز فالارض واجد لازم انبحتوا ملحمة)

كنز اذهب....صافي
حب من القلب نابع

بلارة تبهر العينون
لؤلؤة جوهر رباني

صورة زينة تفتن
وحدة باهية اتهبل

العاقل فينا ايخمم
تمشي ترحل ترجع

ما اتهد ذات تتمحن
كلمة من كلام رازن

شفتك يا بلادي محبوبة
ماشفتك يا بلاد مجذوبة

ارجعت الخاطري انسول
على ايام سارت امشات

على ربيع جاح وقت النبتة
على رباعة واش من رباعة
سايرة مع لهوى في هواه

على قنديل بلا زيت طافي
على شمعة بلا فتيلة ماتت

يا ظلام يا ظالمين المظلوم ثوبوا.!
لا تزيدوا في ظلام ذ/البيت عتمة.!

يا رباعة يا حاكمة ذ/ الزمان قولي؟
و الطير الحر فالقفص ساكن مالو؟

*يا حر تسبح فالسما و اتروح سالم.!
*كنت تعشق خيوط الشمس الذهبية.!

يا حروف......ما عندها بداية غير اكلامي!
يا حروف امشكلة باشكال علاش اتلومي!
والحس عندو قيمة او شان وانتم سكتوا!
و الرامي بلا اسلاح ايقاتل باكلامو عارف!

يا ناس كممنا الفم باكمامة
والغادي والغوت اوراه دايم
وقت الغفلة...زمان الخطفة

راه الباقي فالكاعة خوذوه
مادام الخوف ساكن فالقلب

*راه العيون اتشوف...لا...اتقولوا لعيون عمية.!
*اوباقي فالقلب حب حي يبحث على حبيبو.!
*واللي عندو احبيب فالدنيا يرعاه باعيونو.!

يا مولاي انحييوك جماعة جماعة
خذ انفاسنا أنفاس......بكل طاعة

وحدة اتزعزع الجبل يهتز اينادي
يا عالم ردد القول ردد كلمة بكلمة
العز بالعز والنخوة بالنخوة كرامة
يا عالم ردد امعاي كلمة مسموعة

*بصوت مرفوع.........عالي نهتف.!

مغربي ولد الاطلس ولد السهول
مغربي ولد العز والرضا به نفتخر
مغربي بشعار الله الوطن الملك

لا اتقولوا ما جيتوا واحنا فالميدان
ادراعكم فينو و اللا مكسور كالعادة
لعيون حمرة بالعسة واسهير الليالي

والصحرا برمالها او ذيك لعيون اديالي.!
والساقية الحمرة و الغزلان اللي فيها.!
و النخلة بجريدها و الثمر اللي امدلي.!
والواحات الجميلة بهاء وحليب الناقة.!

العابد عبد الرحيم: 05/12/2018
ملهمتي الفقيه بن صالح.