كأس الغرام بقلم الشاعر المبدع العابد عبد الرحيم

/ كاس لغرام ---
-----------------------

(قصيدة لاهل الطرب الاصيل)

قالوا الناس لقدام اهل الحكمةوالشان
اشرب من كأس لغرام اشرب اوقيس يا فلان
لا ترجع بريقها سكران
تبقى ضحكة يا الولهان
وانا في دروب...الياسمين
انسول فين ساكنة الوردة

قالت الفلة:

وردة تسكن وسط الجنان
حارسها قايد مع سلطان

وانت يا فارس حالك بان
راك اغريب على ذ/لوطان

انصحك بنصيحة او كان
ارجع الحالك غادر/ لمكان

قلت:

انا اشريف ولد العز من وزان
واجدودي ساكنين في تطوان

ما انا لقيط ولا سارق يا فلانة
جودي اكثير و الرازق مولانا

سولي ناس الشاون او طنجة
سولي ناس وجدة ناس لكرام

سولي ناس مكناس مع افران
سولي مراكش على هاذ ازمان

سولي رمال الصحرا او انخلها
انا اللي كنت حارس كل لبحور
سولي خلخال اعويشة ايقول

سولي الغيوان مع الصينية
سولي جيلالة مع الشمعة

قالت الفلة اسمح لي يا اشريف
ايخيب ظنو من لا يعرف الرجال

سول القاضي امزمم كتاب لحكام
بامر السلطان يحكم بيك اوبينها

قلت:
ما بيني او بين الوردة اخصام
غير شفتها في يوم من الليام
نتذكر يوم خميس كان بالتمام

كانت لالة امجردة في جلاب لحمام
كانت لالةامجردة تتوسط شلا اريام
كنت طاير كيف الكمري مع لحمام

الزهرة والياسمين سجدوا بباب لقصر
قلت انجرب حضي ننزل يبتسم الثغر
يمكن نفلح ابتمسية اتطول لي اعمر

(هذه القصيدة متبوعة بقصيدة اخرىفي نفس السياق)

العابد عبد الرحيم: 05/06/2020
لوناسدة قلعة السراغنة.