أغنية مش محتاج كلمات الشاعر المبدع السيد عطيه

 أغنية : مش محتاج

كلمات الشاعر : السيد عطيه
---- -------- -----

مش محتاج لحبي أكيد
كلمه قالتها عينيك وشفايفك
لو قلبك للهجر سعيد
يحلف قلبي عمره ماشايفك

--- ----------

يبقى مشينا طريق فيه راحتنا
بعد الجرح أهو جيت وداويتنا
ورنت بعد غياب ضحكتنا

رفرف قلبي أكنه ف عيد
مش محتاج لحبي أكيد

------ --------

ياما صعبت كتير على نفسي
لجل الحب دارينا كتير
قلنا مسيرها مراكبه هترسي
لكن مش شايفين تغير

كل كلامنا ف هوانا طاير
نزل البعد علينا بستاير
ولما نحس ف يوم ببشاير

نرجع من الأول وجديد
مش محتاج لحبي أكيد

------ -------- ----

كلمات الشاعر / السيد عطيه

مصر