من كتاباتى
حنية أبويا
.................
وأحنا صغار ......
محطوطه الضفاير على كتفنا
ضمين خيالنا مع فكرنا
كانوا يحكلنا فى الحكايات
بعيون بترعب قلوبنا تخضنا
لأجل ما تغمض عيونا .. ونخاف فى حلمنا
كان يجى أبويا علينا
والحنيه فى عينه وبكف إيده
يطبطب على كتفنا
ياخد معاه خوفنا .. ويضمنا فى صدره
مهو ملجاء لعيونا
تنام فيه ويطمن بالأمان دقة قلوبنا
وأحنا صغار ......
محطوطه الضفاير على كتفنا
ضمين خيالنا مع فكرنا
آه حبك يا بويا وحنية عيونك
خلاتنى مش خايفه فى وجودك
ما أنت حضنك حمينا
ضامم فينا معاك لآخر السنين حنينك
آه حبك يا بويا وحنية وجودك
دموعى لو كانت بتنزل
دا كان أشتياق لأيدك تطبطب
وضحكة عيونك معايا
لما أزعل من أخويا تضمنا وترطب
آه حبك يا بويا وحنية وجودك
معاك أنت الأمان وسند وأحتياج الزمان
من غيرك يخاف عليا وبيك أقوى بأمان
آه .. آه .. آه
آه حبك يا بويا وحنية عيونك
خلاتنى مش خايفه فى وجودك
وكبرت كمان شوية .. ومهما أبعد وأروح
حاسه بإيدك على كتفى سند ليا ما وطى
ولما تبص فى عينية .. تلاقينى بيك يا بويا
الفرحه ماليه عيونى .. ومهما أقول وأوفى
يارب أنت اللى عارف اللى ليه فى قلبى
آه حبك يا بويا وحنية عيونك
خلاتنى مش خايفه فى وجودك
ليست هناك تعليقات:
إرسال تعليق