وف يوم مالوش ملامح
روحت اطلع بطاقه شخصيه
لاقيت ناس رايحه وناس جايه
وطابور ولا طابور الجمعيه
وده بيزوق في ده ودي بتقول
حاسبي يا اختي انتي وهيه
وفضلت استني الموظف
معلش اصله بيفطر سندوتس
طعميه ولما نص اليوم عدي عليه
يقولي لأ ده مش عندي روح
لمدام درريه ادور علي درريه
اتاريها في السوق بتشتري ملوخيه
وبعدين بقي في الشغلانه ديه
طب روح لمدام سعديه يامدام
سعديه استني يااخويا انا لسه
قايمه من عمليه طب روح لمدام
عاليه لا معلش اصلها واخده اجازه
مرضيه طب روح لمدام فوزيه
يامدام فوزيه بطاقتي اتسرقت
م العربيه هاتلي شهاده تثبت
انها اتسرقت من جوه العربيه
خلاص يامفتريه مش عايز بطاقه
انا هاامشي من غير بطاقه
ولا اي ورقه رسميه الله يخرب
بيوتكوا سوئتوا سمعتنا المصريه
وللأسف كل البلاوي ديه بتحصل
يوميا جوه مصالحنا الحكوميه
بقلم
ايمن رمضان ابو حامد
ليست هناك تعليقات:
إرسال تعليق